عید میلاد النبی صلی اللہ علیہ وسلم جوش و جذبے سے منانے کے احکامات جاری

تمام سرکاری اور پرائیویٹ سکولز میں عید میلاد النبی صلی اللہ علیہ وسلم 12 ربیع الاول 2024 نہایت جوش و جذبے سے منانے کے احکامات جاری ،قرات ، نعت اور تقاریر کے مقابلے منعقد کرانے کا فیصلہ کیا گیا ہے۔

اس سلسلے میں جاری مراسلے میں کہا گیا ہے کہ ہر سال پنجاب بھر کے تمام سرکاری اور پرائیویٹ سکولوں میں عید میلاد النبی (ص) بڑے جوش و خروش سے منائی جاتی ہے، یہ تہوار اب قریب آرہا ہے، یہ ہمارے پیارے نبی صلی اللہ علیہ وسلم کی گہری تعلیمات پر غور و فکر کرنے اور ان کا احترام کرنے کا ایک مناسب موقع ہے، یہ دن مسلمانوں کے لیے بہت اہمیت کا حامل ہے کیونکہ یہ ہمدردی، رحم اور انصاف کی ان اقدار کی یاد دہانی کے طور پر کام کرتا ہے جو پیغمبر اکرم (ص) نے اپنی پوری زندگی میں مجسم اور پھیلائے تھے۔

اس مقدس موقعہ پر تمام سی ای او ز کو ہدایت کی جاتی ہے کہ پنجاب بھر کے تمام سرکاری اور نجی سکولوں میں خصوصی مجالس کا انعقاد کریں، جہاں طلباء اور اساتذہ قرآن پاک کی تلاوت، نعت اور درود شریف میں شرکت کر سکیں اور حضور اکرم صلی اللہ علیہ وسلم کی تعلیمات کو بھی سنائیں، حضور اکرم صلی اللہ علیہ وسلم کی زندگی اور تعلیمات پر سیمینارز یا مباحثے کا اہتمام کریں۔

ان ہدایات پر سختی سے عمل کیا جائے اور ایونٹ کی تفصیل اور تصاویر دو بجے دوپہر سے قبل ارسال کی جائیں ۔