بہاء الدین زکریا یونیورسٹی ملتان میں سیکورٹی کے سخت انتظامات کردئیے گئے
سیکورٹی کے حوالے سے جامعہ زکریا کے پرو وائس چانسلر پروفیسر ڈاکٹر علیم احمد خان نے آر او یونیورسٹی ڈاکٹر طاہر محمود اور سیکورٹی آفیسر زاہد اقبال ، پی ڈی اظہر خطاب ، ڈائریکٹر آئی ٹی شاہد فرید کے ساتھ ایک میٹنگ کی، جس میں پرو وائس چانسلر نے یونیورسٹی کی چار دیواری پر چوبیس گھنٹے گارڈز تعینات کرنے اور اندرونی و بیرونی داخلی دروازوں پر سخت چیکنگ کی ہدایات جاری کیں ۔
یہ بھی پڑھیں ۔
مسلح افراد زکریا یونیورسٹی کے سیکورٹی گارڈز کو قید کرکے ٹرانسفارمر چوری کرکے لے گئے
علاوہ ازیں پرووائس چانسلر نے یونیورسٹی کی چار دیواری کی مرمت اور باضرورت امر خار دار تاریں لگانے کی بھی ہدایات جاری کیں۔
یہ بھی پڑھیں ۔
زکریا یونیورسٹی میں سیکورٹی الرٹ، مرکزی گیٹ پر اہلکاروں کی تعداد بڑھا دی گئی
میٹنگ میں پرووائس چانسلر نے یونیورسٹی سیکورٹی کیمروں کے حوالے سے بھی خصوصی ہدایات جاری کیں۔
یہ بھی پڑھیں ۔
زکریا یونیورسٹی میں سیکورٹی الرٹ ، ہاسٹل سیل ، غیر ملکی طلباء کی سیکورٹی بڑھا دی گئی
واضح رہے کہ سیکورٹی اداروں و ذمہ دار اداروں نے قبل ازیں زکریا یونیورسٹی کو درپیش خطرات کے حوالے سے نشاندھی کی تھی، اور سیکورٹی آڈٹ کے لیے تمام متعلقہ ادارے مسلسل رابطے میں ہیں۔
