زکریا یونیورسٹی کے ڈائریکٹر الیکٹریکل کے استعفیٰ کی اندرونی خبر منظر عام پر آگئی

شعبہ الیکٹریکل چیئرمین ڈاکٹر عبد الستار ملک جن کے پاس پراجیکٹ ڈائریکٹر الیکٹریکل کا اضافی چارج بھی تھا نے دو روز قبل استعفیٰ دے دیا تھا اور انہوں نے ناگزیر وجوہات کا ذکر کیا تھا۔

یہ بھی پڑھیں ۔
زکریا یونیورسٹی کے پراجیکٹ ڈائریکٹر الیکٹریکل نے استعفیٰ دے دیا

مگر ذرائع کا دعویٰ ہے کہ انہوں نے بجلی کی چوری روکنے اور درست بلنگ کےلئے پورا ایک ڈیپارٹمنٹ کھڑا کردیا تھا، مختلف شعبوں میں کام کرنے والے الیکٹریشن اس ونگ میں شامل کردئیے تھے ، 32 سے زائد عملے سے قائم الیکٹریکل ونگ نے 40 سے زائد بجلی چوروں کی نشاندہی کی تھی اور بھاری بل بنائے تھے۔ ان با اثر افراد نے وائس چانسلر کے گرد گھیرا تنگ کیا تو ان کے خلاف کسی بھی قسم کی کارروائی نہ ہوسکی اور بل کی ادائیگیاں بھی رک گئیں، جس سے مایوس ہوکر ڈاکٹر عبد الستار ملک نے عہدے سے استعفیٰ دے دیا ۔