پنجاب میں سرکاری یونیورسٹیز کا خسارہ21 ارب روپے تک پہنچ گیا

ہائیر ایجوکیشن ڈیپارٹمنٹ نے یونیورسٹیوں کے خسارے بارے رپورٹ مکمل کرکے اعلیٰ حکام کو پیش کردی۔

جس کے مطابق زکریا یونیورسٹی کا خسارہ 50 کروڑ سے تجاوز کرگیا ہے جبکہ پنجاب یونیورسٹی کا خسارہ 1 ایک 18 کروڑ روپے ہے، یو ای ٹی لاہور کو 1 ارب 41 کروڑ روپے کا خسارہ ہے۔

یونیورسٹی آف ایجوکیشن لاہور کو 11 کروڑ روپے،جی سی یو کو 45 کروڑ روپے، آئی ٹی یو کو 28 کروڑ روپے، یونیورسٹی آف ہوم اکنامکس کو 47 کروڑ روپے کے خسارے کا سامنا ہے۔

محکمہ ہائیر ایجوکیشن نے یونیورسٹیز کے اخراجات پر رپورٹ حکومت کو پیش کی، پنجاب کی تمام یونیورسٹیز کا مجموعی اخراجات کا حجم 100 ارب روپے کے قریب ہے، ہائیر ایجوکیشن کمیشن اور ایچ ای ڈی کی جانب سے فنڈنگ بھی کم کی گئی۔