قائمہ کمیٹی برائے خزانہ نے سکولوں کے انٹرنیز اساتذہ کےلئے سیلری پیکج تبدیل کردیا

حکومت پنجاب نے سکولوں میں اساتذہ کی کمی فوری طور پر پوری کرنے کےلئے کالجز کی طرز پر انٹرنیز بھرتی کرنے کافیصلہ کیا گیا اور کابینہ سے منظوری بھی لے لی گی۔

جس کے بعد اس کیس کو قائمہ کمیٹی برائے خزانہ کے سامنے رکھا گیا جس نے سیلری پیکج کی منظوری دی، جس کے مطابق ہائر سکینڈری ٹیچر کےلئے 30 ہزار، سکینڈری سکولوں کےلئے 25 ہزار اور ایلیمنٹری سکولوں کے اساتذہ کے لئے 20ہزار روپے تنخواہ مقرر کی گئی۔

کمیٹی نے اس بات پر اعتراض کیا کہ مشاہرے کا لفظ مناسب نہیں ہے، اس لئے اساتذہ کو ادائیگی کے لئے لم-سم پیکج اور تنخواہ کا لفظ استعمال کیا جائے ۔