پابندی کے باوجود سرکاری سکولوں کے اساتذہ کی ڈیوٹی سوشل اکنامک سروے پر لگادی گئی

محکمہ سکولز نے اساتذہ کے تدریس کے علاوہ دیگر کام کرنے پر پابندی عائد کر رکھی ہے مگر غیر نصابی سرگرمیوں پر پابندی کے باوجود سرکاری سکولوں کے اساتذہ کی ڈیوٹیاں سوشل اکنامک سروے پر لگادی گئی۔

سروے میں اساتذہ غریب اور متوسط طبقے سے تعلق رکھنے والے افراد کا تعین کریں گے، اساتذہ یونین کونسل میں سروے کرکے ڈیٹا انٹری بھی کریں گے۔

اساتذہ نے اس گرمی میں ڈیوٹی لگانے کی مذمت کی ہے، ان کا کہنا ہے کہ پورے پنجاب میں ضلعی انتظامیہ کی طرف سے اساتذہ پر مختلف بوجھ ڈالے جارہے ہیں، سوشل اکنامک سروے پر ڈیوٹیاں لگانا قابل مذمت ہے۔

انہوں نے مطالبہ کیا کہ فی الفور ڈیوٹیاں ختم کرے، ڈیوٹیاں منسوخ نہ کی گئیں تو بھرپور احتجاج کریں گے۔