انڈر 16 کرکٹرز کے لیے تربیتی کیمپ 15 جولائی سے لگایا جائے گا

سپورٹس ڈیپارٹمنٹ ملتان کے زیر اہتمام انڈر 16 کھلاڑیوں کے لیے کرکٹ کا تربیتی کیمپ ڈسڑکٹ سپورٹس گراوٴنڈ ملتان میں پندرہ جولائی لگایا جائے گا۔

رانا ندیم انجم ڈویژنل سپورٹس آفیسر ملتان کے مطابق موسم گرما میں بچوں کی بہتر تربیت کے لیے کوالیفائیڈ کوچز کی زیر نگرانی انڈر16 کھلاڑیوں کے لیے کیمپ لگایا جائے گا ۔

اس کیمپ میں 30 جولائی 2006 کے بعد پیدا ہونے والے بچے حصہ لے سکیں گے۔

اس سلسلہ میں کھلاڑی ڈویژنل سپورٹس آفس نزد کچہری چوک ڈسڑکٹ سپورٹس آفس کلمہ چوک۔اور ملتان کرکٹ گراوٴنڈ نواں شہر ملتان میں اپنے ایف۔آر۔سی۔فارم کی فوٹو کاپی کے ساتھ رجسٹریشن کراسکتے ہیں۔

رجسڑڈ ہونے والے کھلاڑیوں کو بلا معاوضہ سپورٹس ڈیپارٹمنٹ ملتان کی طرف سے اعلیٰ تربیت فراہم کی جائے گی۔