یونیورسٹیوں میں ہراسگی کے واقعات کی انکوائری کےلئے مستقل کمیٹی بنانے کا فیصلہ

پنجاب بھر کی یونیورسٹیوں میں ہراسگی کے واقعات کی انکوائری کےلئے مستقل کمیٹی بنانے کا فیصلہ

تفصیل کے مطابق صوبے کی یونیورسٹیوں میں ہراسگی کی بڑھتے ہوئے واقعات کی روک تھام اور ان کی انکوائری کےلئے ایک بڑی تحقیقاتی کمیٹی بنانے کا فیصلہ کیا گیا ہے، جس کے لئے سرکاری و نجی جامعات میں ورک پلیس ایکٹ 2010 کے تحت کمیٹی بنائی جائے گی، جوکسی بھی شکایت کی صورت میں 45 روز میں انکوائری مکمل کرے گی۔

زکریا یونیورسٹی سمیت ملتان کی دیگر سرکاری اور پرائیویٹ یونیورسٹی کو موصول ہونے والے مراسلے میں ہائر ایجوکیشن کمیشن کی گائیڈ لائن کے مطابق جنسی ہراسگی کے معاملے کی انکوائری کی پابند ہونگی۔

جامعات میں سینیر خاتون فیکلٹی ممبر کو فوکل پرسن مقرر کیا جائے گا، جنسی ہراسگی کے واقعات کے تدارک کے لیے سخت اقدامات کو یقینی بنانا ہوگا۔

طلباء کو کوڈ آف کنڈکٹ سے متعلق مکمل آگاہی فراہم کرنا یونیورسٹی انتظامیہ کی ذمہ داری ہوگی، کمپلینٹ میکانزم کو آسان بنانا اور جنسی ہراسگی کی شکایت کو فوری ایڈریس کرنا متعلقہ یونیورسٹی کی زمہ داری ہوگی۔