ریشنلائز کیے گئے اساتذہ کو ریلیف دینے کے لئے اپیل
رانا ولایت علی ریٹائرڈ ڈپٹی ڈی ای او سیکنڈری ملتان نے وزیر تعلیم پنجاب رانا سکندر حیات سے ریشنلائز کئے گئے اساتذہ کو ریلیف دینے کے لئے اپیل کی ھے کہ جب اساتذہ کو ان کے اختیار کئے گئے آپشنز میں سے ایک ایک سکول الاٹ ھو جائے تو انہیں باھم میوچل ایڈجسمنٹ کا چانس ضرور دیا جائے، اس سے ریشنلائزیشن والے اساتذہ کو ایک بڑا ریلیف مل جائے گا۔
موجودہ صورتحال میں اساتذہ نے نہ چاہتے ھوئے بہت سارے سکولوں کا آ پشن دیا ھے تو ان کو آپشن والے سکولوں میں سے کوئی ایک سکول الاٹ ھو جانا ھے، اگر ریشنلائزیشن کے احکامات جاری ھونے پہلے میوچیل یعنی باہمی تبادلہ کا چانس دیا گیا تو اس سہولت سے پچاس فیصد اساتذہ مستفید ھو پائیں گے اور اگر اساتذہ کو سزا دینا مقصود ھے تو پھر حکومت اپنی مرضی کر لے اور مرضی کر رھی ھے، اساتذہ مجبوراً یہ تکلیف برداشت کر لیں گے۔
رانا ولایت علی نے کہا ھے کہ اساتذہ دور کے اپنے پسند کے سکولوں میں اس لئے بھی جانا چاھتے ھیں کہ کہیں ان کے رشتہ داروں کے گھر ھیں اور کہیں پر وین اساتذہ کو سکولوں تک لے کر جاتی ھیں، حکومت پنجاب کو اس کام کے لئے صرف چار دن فراھم کرنا پڑیں گے اور اضلاع کے متعلقہ سی ای اوز تعلیمات اس کام کو بخوبی سر انجام دے سکتے ھیں۔
بعض خواتین اساتذہ جو ویڈ لاک پالیسی کے تحت ٹرانسفر کروا کر اپنے شوہر کے ڈسٹرکٹ میں آئی تھیں وہ بھی ریشنلائز یشن کی بھینٹ چڑھ گئی ھیں، ان کی پہلے ہی انٹر ڈسٹرکٹ تبادلہ کی وجہ سے پروموشن سینیارٹی بھی متاثر ھوئی اور سینیارٹی میں ٹیل یعنی آ خر پر چلی گئی تھیں، اب ایسے اساتذہ کو استثنٰی دیا جاتا کہ وہ پہلے اپنا بڑا نقصان کئے بیٹھی ھیں۔
