زرعی یونیورسٹی میں ریکروٹمنٹ ڈرائیو کا انعقاد
ایم این ایس زرعی یونیورسٹی میں کیرئر ڈویلپمنٹ سینٹر کے زیر اہتمام ریکروٹمنٹ ڈرائیو کا انعقاد کیا گیا، جس میں ایویول گروپ اور بنک الحبیب لیمیٹڈ کی انتظامیہ نے طلباء سے ٹیسٹ لیے، جس میں بہت سارے فریش گریجو یٹس طلباء شامل تھے۔
ایويول گروپ سے محمد اسد نے طلباء کو پرائیویٹ سیکٹر میں روزگار کے مواقع کے حوالے سے آگاہ کیا، اور ان کو ایویول گروپ کے ہر سال یونیورسٹی میں ہونے والی ریکورٹمنٹ ڈرائیو کے حوالے سے اور اس کے ذریعے طلباء نے کیسے روزگار حاصل کیا، اور اسکے ساتھ کیسے فارمرز کو فائدہ پہنچارہے ہیں۔
بنک الحبیب لمیٹڈ کی انتظامیہ کی جانب سے بھی بنکنگ سیکٹر میں زرعی طلباء کے کردار پر بات کی۔
ٹیسٹ میں پاس ہونے والے طلباء کو انٹرویو کے لیے کال کی جائے گی، اور اسکے بعد پاکستان بھر میں بنک الحبیب لیمیٹڈ کی مختلف برانچز میں ایگریکلچر فنانس آفیسر کی پوسٹ پر تعینات کیا جائے گا۔
تقریب کے اختتام پر فوکل پرسن ڈاکٹر محمد اشتیاق نے آنے والے تمام مہمانوں کا شکریہ ادا کیا، اور طلباء کی حوصلہ افزائی بھی کی۔
