زکریا یونیورسٹی کے چیف لائبریرین فضل الٰہی مدت ملازمت پوری ہونے پر ریٹائر ہوگئے

زکریا یونیورسٹی کے چیف لائبریرین فضل الٰہی ریٹائر ہوگئے، ان کے اعزاز میں آفیسرز ایسوسی ایشن زکریا یونیورسٹی نے تقریب کا انعقاد کیا، جس میں پراجیکٹ انجینئر عمران شیخ ، خلیل احمد کھور، رانا جنگ شیر، چودھری زاہد ،اور دیگر نے شرکت کی۔

اس موقع پر مقررین نے کہا کہ فضل الٰہی نے اپنے کیرئیر کا شاندار اختتام کیا ہے، انہوں نے شفاف انداز میں اپنی ملازمت کی، اور باعزت ریٹائر ہوئے ۔

ہماری دعائیں ہیں کہ وہ باقی ماندہ زندگی بھی خوش وخرم رہیں، بعد ازاں انہیں پھول ، سوینئر کے ساتھ رخصت کیا گیا۔