سرکاری سکولوں میں سیکنڈ ٹرم کے امتحان کا انعقاد مشکل ہوگیا
پنجاب ایگزامینیشن کمیشن حکام کی نا اہلی کے باعث سکولوں کو فراہم کیا گیا لاگ ان ہی غلط نکلا، سکول سربراہان کو سوالیہ پیپرز ڈاؤن لوڈ کرنے میں شدید مشکلات درپیش ہیں۔
بتایاگیا ہے کہ سرکاری سکولوں میں سیکنڈ ٹرم کے امتحانات کا انعقاد مشکل ہوگیا، پنجاب ایگزامینیشن کی نا اہلی کی وجہ سے سکولوں کو فراہم کیا گیا لاگ ان کام نہیں کر رہا، سکولوں نے 5 دسمبر کو پیک کی ویب سائٹ سے سوالیہ پرچہ جات جنریٹ کرنے تھے۔
سکول سربراہان کے مطابق پیک کی طرف سے پنجاب بھر کے سکولوں کو فراہم کیا گیا پاس ورڈ درست نہیں ہے۔ پیک حکام کے مطابق سکولوں کا نیا پاس ورڈ جاری کردیا گیا ہے، سکول سربراہان نئے پاس ورڈ کی مدد سے لاگ ان ہوکر سوالیہ پیپرز ڈاون لوڈ کریں۔
محکمہ سکول ایجوکیشن پنجاب نے مڈ ٹرم امتحانات ای بی اے 2023 کی جو ڈیٹ شیٹ جاری کی ہے، اس کے مطابق 8 دسمبر سے امتحانات شروع ہوں گے اور 16 دسمبر کو پیرنٹ ٹیچر کانفرنس کے ساتھ یہ مرحلہ اختتام پذیر ہوگا۔
