لیول ون ایمپائرنگ اور میچ ریفری کورس کا پہلا مرحلہ مکمل

کرکٹرز سمیت مجموعی طور پر 346 ارکان نے آن لائن امپائرنگ اور میچ ریفری کورس میں شرکت کی۔ آن لائن کورس 7 سے 25 جون تک جاری رہا۔
ان کھلاڑیوں میں پاکستان کے چار بین الاقوامی کرکٹزر عبدالرؤف، بلال آصف، سلمان بٹ اور شعیب خان بھی شامل تھے۔
پاکستان کرکٹ بورڈ نے امپائز اور میچ ریفریز کے لیے لیول 1،2،3 کورس متعارف کروانے کی جامع منصوبہ بندی کی ہے۔پاکستان کرکٹ بورڈ نے لیول ون امپائرنگ کورس کا پہلا مرحلہ کامیابی سے مکمل کر لیا ہے۔ پی سی بی کے ایلیٹ اور سپلیمنٹری پینل پر مشتمل پینل نے کورس کے شرکاء کو امپائرنگ کے بنیادی قواعد و ضوابط اور کھیل کے قوانین سے متعلق لیکچرز دئیے گئے۔اب دوسرے مرحلے میں کورس کے شرکاء سے ٹیسٹ، انٹرویوز اور فٹنس ٹیسٹ لیے جائیں گے۔