ملتان سمیت چار ڈائریکٹر کالجز تبدیل کردئیے گئے

وزیر اعلیٰ پنجاب سے منظوری کے بعد سیکرٹری ہائیر ایجوکیشن پنجاب نے دو نوٹیفکیشنز جاری کیے ہیں، جس کے مطابق لاہور ڈویژن کے ڈائریکٹر کالجز محمد زاہد میاں سے موجود چارج لے کر انہیں ڈائریکٹر پبلک انسٹرکشن پنجاب کا اضافی چارج دیا گیا ہے۔

دوسرے نوٹیفکیشن میں تین ڈویژنل ڈائریکٹر کالجز کے اضافی چارج سونپے گئے ہیں، ایڈیشنل ڈی پی آئی کالجز احسن مختار کو لاہور ڈویژن کے ڈائریکٹر کالجز اور ڈاکٹر شہزاد منور کو ڈویژنل ڈائریکٹر کالجز گوجرانولہ اور ملتان کے کامرس سائیڈ کے انسٹرکٹر اور کامرس کالج ملتان کینٹ کے پرنسپل اللہ دتا انور کو ملتان ڈویژن کے ڈائریکٹر کا اضافی چارج دیا گیا ہے ۔