پانی اور زمین کا انتظام اور جنوبی سندھ بیسن میں بائیو سلائن زراعت کے امکانات بارے سیمینار
ملتان ایم این ایس زرعی یونیورسٹی میں”پانی اور زمین کا انتظام اور جنوبی سندھ بیسن میں بائیو سلائن زراعت کے امکانات” کے عنوان پر بین الاقوامی سیمینار کا انعقاد کیا گیا۔
اس سیمینار کا بنیادی مقصد بائیو سلائن زراعت کے میدان میں نئی ترقیات کو شیئر کرنا اور اس خطے میں پانی اور زمین کے وسائل کے انتظام کیلئے جدید طریقے پیش کرنا تھا۔
تقریب میں بین الاقوامی مرکز برائے بائیو سلائن زراعت، متحدہ عرب امارات کے سائنسدانوں نے شرکت کیڈاکٹر دیونیسیا اینجلیک لیرا اور ڈاکٹر اسد سرور قریشی نے شرکاء کو نمکیات سے متاثرہ علاقوں میں پانی اور زمین کے وسائل کے انتظام کے حوالے سے آگاہ کیا۔
پروفیسر ڈاکٹر تنویر الحق نے کہا کہ سیمینار کا مقصد معلومات کے تبادلے کو فروغ دینا اور نمکیات سے نمٹنے کیلئے بائیو سلائن زراعت کے جدید طریقے پیش کرنا تھا۔
ڈاکٹر لیرا اور ڈاکٹر قریشی نے بائیو سلائن زراعت کے میدان میں جدید تحقیق اور عملی اطلاقات کو نمایاں کیا ان کی تقاریر نے نمک برداشت کرنے والی فصلوں اور جدید آبپاشی کی تکنیکوں کے استعمال کے ذریعے نمکیات سے متاثرہ علاقوں میں زرعی پیداواریت کو بڑھانے کی صلاحیت کو اجاگر کیا۔
پروفیسر ڈاکٹر اشتیاق احمد راجوانہ نے اپنے خیالات کا اظہار کرتے ہوئے کہا کہ "یہ سیمینار نمکیات کے مسئلے سے نمٹنے کیلئے ایک اہم قدم ہے۔ ہمیں جدید تحقیق اور عملی تجربات کو استعمال کرکے نمکیات کے مسائل کو حل کرنا ہوگا۔
ذاس سیمینار نے ہمیں ان چیلنجوں سے نمٹنے کیلئے نئے اور جدید خیالات فراہم کیے ہیں۔
