اسسٹنٹ کمشنر میاں چنوں نے گولڈ میڈل حاصل کرلیا

اسسٹنٹ کمشنر میاں چنوں رمیض ظفر نے بہاءالدین زکریا یونیورسٹی ملتان کے شعبہ سیاسیات سے ایم فل پولیٹیکل سائنس میں گولڈ میڈل حاصل کر لیا، گورنر پنجاب انجینئر بلیغ الرحمن نے انہیں گولڈ میڈل عطا کیا۔

رمیض ظفر نے اپنے ایم فل کے مقالہ میں "برکس ملکوں کا عروج، امریکی ورلڈ آرڈر کے لئے چیلنج” پر پروفیسر ڈاکٹر مقرب اکبر کی نگرانی میں بیش قیمت تحقیق کی ہے، ایم فل میں ان کی تحقیق میں امتیازی پوزیشن پر انہیں گولڈ میڈل عطا کیا گیا۔

اس موقع پر اسسٹنٹ کمشنر میاں چنوں رمیض ظفر نے کہا کہ وہ اس اعزاز پر خدا کا شکر ادا کرتے ہیں، مستقبل میں وہ انشاء اللہ پولیٹیکل اکانومی کے شعبہ میں پی ایچ ڈی کر کے ملک کی خدمت کرنا چاہتے ہیں