زکریا یونیورسٹی کا سکالرشپ سیل مسائل کا آماجگاہ بن گیا

طلباء نے زکریا یونیورسٹی کے سکالر شپ سیل کو شدید تنقید کا نشانہ بنایا ہے، ان کا کہنا ہے کہ زکریا یونیورسٹی میں قائم سکالرشپ سیل طالب علموں کو معاوضوں سے متعلق مسائل کے حل کیلئے بنایا گیا تھا۔

سکالر شپ سیل کا عملہ طالب علموں کو سہولت فراہم کرنے کے بجائے سکالر شپ سیل آفس کھول کر گھنٹوں گھنٹوں غائب ہو جاتے ہیں۔ کلیئرنس کیلئے آئے بیشتر طلباء ڈگری کے حصول کیلئے جامع زکریا کا رخ تو کرلیتے ہیں البتہ ڈگری ملنا خواب ہی رہ جاتا ہے۔ طالب علم ٹائم فریم گزرنے کے باوجود ہفتوں ہفتوں کلیئرنس سے محروم رہتے ہیں ۔

سکالرشپ سیل انچارج انتخاب عالم نے طالب علموں کو ڈرا دھمکانا معمول بنالیا ہے، طالب علموں نے مطالبہ کیا ہے کہ سکالرشپ سیل کو طالب علموں کیلئے سہل بنایا جائے ۔