چوروں نے زکریا یونیورسٹی کے ڈپٹی رجسٹرار لیگل کے گھر کا صفایا کردیا

زکریا یونیورسٹی کی رہائشی کالونیوں میں چوری کی وارداتیں نہ رک سکیں، گزشتہ روز دن دیہاڑے ڈپٹی رجسٹرار کے گھر کا صفایا کردیا گیا ۔

بتایا گیا ہے کہ ڈپٹی رجسٹرار محی الدین سرکاری کام سے لاہور گئے ہوئے تھے، جب ان کی اہلیہ پڑوس میں گئیں تو نامعلوم افراد نے گھر میں گھس کر طلائی زیورات ، لاکھوں روپے کی نقدی او ر دیگر قیمتی اشیا چوری کرلیں۔

جب محی الدین گزشتہ شب واپس آئے تو اندر کمروں کے تالے ٹوٹے ہوئے تھے، جس پر سیکورٹی حکام اور پولیس کو اطلاع دی گئی ،جنہوں نے انکوائری شروع کردی ہے۔

یہ بھی پڑھیں ۔
زکریا یونیورسٹی کے چور سیکورٹی گارڈ رنگے ہاتھوں پکڑے گئے

واضح رہے کہ عید کے چھٹیوں میں بھی دو سیکورٹی گارڈز بیٹریاں چوری کرتے ہوئے پکڑے گئے تھے ۔