تعلیمی بورڈ ملتان کے زیر اہتمام کھیلی گئی انٹر کالجیٹ گرلز ہینڈ بال چیمپئن شپ اختتام پذیر ہوگئی
گورنمنٹ گریجوایٹ گرلز کالج بوریوالہ نے لیگ بنیاد پر کھیلی گئی چیمپئن شپ میں ناقابل شکست ٹیم کے اعزاز کے ساتھ بورڈ چیمپئن بننے کا اعزاز بھی اپنے نام کیا۔
قبل ازیں پاکستان کی انٹرنیشنل ایتھلیٹ و سپورٹس آفیسر میپکو رضیہ سلطانہ نے چیمپئن شپ کا افتتاح کیا۔
میچز کی تفصیلات کے مطابق گورنمنٹ بوریوالہ گرلز کالج مسلسل تین فتوحات کے ساتھ ہیٹرک کرنیوالی واحد کالج ٹیم بھی قرار پائی۔
پنجاب کالج نے دو میچز جیتے، ایک میں شکست کھائی اور ایونٹ کی رنر اپ ٹرافی اپنے نام کی ۔
رفاء کالج خانیوال نے ایک فتح اور دو شکست کارکردگی کے ساتھ تیسری پوزیشن پائی۔
ملتان بورڈ کے گرلز کالجیٹ سپورٹس میں پہلی بار شریک سٹار کالج ٹیم کوئی فتح تو حاصل نہ کر پائی، تاہم سٹار کالج ٹیم اپنے تینوں میچز میں فائٹ کرتے ہوئے نظر ائی۔
میچ اور ٹیبل آفیشلز کا پینل نعیم اللہ خان، ندیم بھٹہ، قیصر جاوید اور محمد قیصر پر مشتمل تھا۔
آرگنائزنگ ٹیم میں نوکر حسین اور رانا محمد اسلم شامل تھے۔ سپورٹس انچارج تعلیمی بورڈ ملتان ملک نثار نے بھی میچز دیکھے۔
