میپکو میں پہلے پرائیویٹ سی ای او کی تعیناتی کردی گئی

میپکو پہلی بجلی کی تقسیم کار کمپنی بن گئی ہے جہاں پرائیویٹ سی ای او تعینات کردیا گیا اور بی او ڈی نے اس کی منظوری بھی دے دی ہے۔

میپکو ذرائع کی طرف سے یہ دعویٰ کیا گیا ہے کہ ملتان الیکٹرک پاور کمپنی میپکو کے چیف ایگزیکٹیو جام گل محمد زاھد 3 سال کے لیئے پرائیویٹ چیف ایگزیکٹیو تعینات کئے گئے ہیں،۔

وزارت توانائی نے وزیر اعظم میاں شہباز شریف کے احکامات پر نوٹیفکیشن جاری کر دیا ہے، جس پر میپکو بورڈ آف ڈائریکٹرز کے چیئرمین عامر ضیاء اور تمام ممبران نے باقاعدہ منظوری دے دی ہے، تاہم میپکو ترجمان کی طرف سے اس کی تصدیق یا تردید نہیں کی گئی ہے ۔