پرائیویٹ سکولوں کو طلباء کےلئے اپنی بسیں چلانے کا پابند کردیا گیا

بڑھتی ہوئی سموگ کے سدباب کے لئے پرائیویٹ سکولوں کے 60 فیصد بچوں کو ہر صورت ذاتی سکول بس پر لانے کا پابند کردیا گیا، محکمہ تعلیم نے تمام پرائیویٹ سکولوں کو بسیں خریدنے کا سرٹیفکیٹ ایجوکیشن اتھارٹیز کو جمع کروانے کے احکامات جاری کردئیے گئے۔

تفصیل کے مطابق سموگ میں اضافہ کے باعث سیکرٹری سکولز ایجوکیشن نے ہدایت کی ہے کہ تمام پرائیویٹ سکولوں کے 60 فیصد بچے ہر صورت سکول بس پر آئیں گے، پرائیویٹ سکولز کو ہر صورت اپنی سکول بس خریدنی پڑیں گی، سکول 60 فیصد بچوں کو ذاتی بسوں پر لانے کے پابند ہونگے۔ احکامات کیخلاف ورزی پر متعلقہ سکولز کیخلاف کارروائی کی جائیگی۔

محکمہ تعلیم نے تمام ایجوکیشن اتھارٹیز کو احکامات پر عملدرآمد کیلئے احکامات جاری کردئیے ہیں۔