سوئس حکومت نے پاکستانی طلباء کےلئے سکالر شپ کا اعلان کردیا

سوئٹزرلینڈ کی حکومت نے ہائر ایجوکیشن کمیشن کے ساتھ مل کر پاکستانی طلباء کیلئے آئندہ تعلیمی سال 2024-25 کیلئے”ایکسیلینس سکالرشپ” کا اعلان کیا ہے۔

تفصیل کے مطابق خواہش مند امیدواروں کیلئے ماسٹرز کے بعد ایک سال کی تحقیق، ماسٹرز کے بعد تین سالہ پی ایچ ڈی اور ایک سالہ پوسٹ ڈاکٹریٹ پروگرام رکھے گئے ہیں۔

سفارت خانے کی جانب سے درخواست جمع کروانے کی آخری تاریخ 30 ستمبر ہے، اضافی تفصیلات سرکاری ویب سائٹ پر دستیاب ہیں۔

سوئس گورنمنٹ ایکسیلینس سکالرشپ کا بنیادی مقصد ماسٹر یا ڈاکٹریٹ کی ڈگری مکمل کرنے والے غیر ملکی ریسرچرز کے لیے تعلیمی مواقع پیدا کرنا ہے۔

سکالرشپ حاصل کرنے والوں کا انتخاب فیڈرل کمیشن فار سکالرشپ فار فارن سٹوڈنٹس کی نگرانی میں کیا جائے گا۔