سکولوں میں ستمبر میں ہونے والے ایونٹس کا تعلیمی کلینڈر جاری

محکمہ تعلیم جنوبی پنجاب نے سکولوں میں ستمبر میں ہونے والے ایونٹس کا تعلیمی کلینڈر جاری کردیا۔

تفصیل کے مطابق موسم گرما کی تعطیلات کے اختتام کے بعد محکمہ تعلیم جنوبی پنجاب نے تعلیمی کلینڈر جاری کردیا، جس کے مطابق ہائی اور ہائیر سکینڈری ونگ کے پیپر آج سے شروع چھ ستمبر تک اختتام پذیر ہوں گے ، نتائج کا اعلان اور والدین کے ساتھ میٹنگ 9ستمبر کو ہوگی۔

سٹوڈنٹس کونسل کے الیکشن کی مہم 7ستمبر ست 13ستمبر تک کی جائے گی، جبکہ الیکشن 14 ستمبر کو ہونگے ، سکولوں میں کھیلوں کے مقابلے 15ستمبر سے 23 ستمبر تک جاری رہیں گے، جن میں ہاکی ، فٹبال ، والی بال ، اتھلیٹکس ، ٹیبل ٹینس اور بیڈمنٹن شامل ہوں گے ۔

جبکہ پرائمری اور ایلمنٹری سکول کی سطح کے امتحانات ستمبر کے تیسرے اور چوتھے ہفتے میں منعقد ہوں گے ۔