سرکاری اور پرائیویٹ سکولوں میں انسداد ڈینگی کے اقدامات کرنے کےلئے نئے ایس او پیز جاری

محکمہ سکولز نے مراسلہ جاری کیا ہے کہ سرکاری اور پرائیویٹ سکولوں میں انسداد ڈینگی کے نئے ایس اوپیز پر مکمل عمل پیرا کیا جائے، اس بارے روزانہ کی بنیاد پر رپورٹ ارسال کی جائے ۔

مراسلے میں کہاگیا ہے کہ سکولوں کے حدود صفائی کو یقینی بنائے جائے ، تمام واش رومز ، واٹر ٹینکس اور چھتیں مکمل صاف ہوں ، سکول میں ڈینگی سے آگاہی بارے بینر آویزاں کیے جائیں ، پوسٹر لگائے جائیں ، جھاڑیاں اور کوڑا کرکٹ نہیں ہونا چاہیے ، کوئی شخص آدھی بازو کی قمیض نہیں پہنے گا، زیرو پیریڈ میں انسداد ڈینگی کے بارے آگاہی دی جائے ۔