سکولوں کے سربراہان اور اساتذہ میں تعریفی سرٹیفکیٹس کی تقسیم

سیکرٹری سکولز ایجوکیشن ساؤتھ پنجاب ڈاکٹر احتشام کی ہدایت پر میٹرک کے سالانہ امتحانات میں اچھی کارکردگی حاصل کرنے والے سکولوں کے سربراہان اور اساتذہ میں تعریفی سرٹیفکیٹس ڈی ای او سیکنڈری ایجوکیشن شیخ رفیق احمد نے تقسیم کئے۔

اس موقع پر شیخ رفیق احمد نے تعریفی سرٹیفکیٹ حاصل کرنے والے اساتذہ کو مبارکباد دیتے ہوئے کہا کہ آئندہ آنے والے امتحانات میں اچھی کارکردگی دکھانے والے سکول سربراہان سٹوڈنٹس پر زیادہ محنت کرکے بہتر سے بہتر رزلٹ دکھائیں۔

محکمہ سکولز ایجوکیشن بہتر رزلٹ حاصل کرنے والے سکولز سربراہان کی مزید حوصلہ افزائی کرے گا ،

انہوں نے بہتر نتائج حاصل نہ کرنے والے اساتذہ کے ساتھ میٹنگ کرتے ہوئے مطلوبہ نتائج حاصل کرنے کیلئے کونسلنگ کی۔