زکریا یونیورسٹی میں داخل ہونے والے چھ نامعلوم مسلح افراد پکڑے گئے

بہاء الدین زکریا یونیورسٹی ملتان میں داخل ہونے والے چھ آوٹ سائیڈر اسلحہ سمیت پکڑے گئے، جنہیں پولیس کے حوالے کردیا گیا ہے۔

تفصیلات کے مطابق گزشتہ رات زکریا یونیورسٹی کے مین گیٹ پر سیکورٹی اہلکاروں نے چھ افراد کو کیمپس میں داخلے سے قبل دستاویزات دکھانے کو کہا تو وہ ٹال مٹول کرنے لگے، جس پر انکی تلاشی لی گئی توان سے پستول برآمد ہوئے، جس پر انکو حراست میں لے لیا گیا۔

بعد میں آر او نے تفتیش کے بعد پولیس تھانہ الپہ کے حوالے کردیا۔ تاہم یونیورسٹی حکام نے انکے بارے میں مزید تفصیل بتانے سے انکار کردیا۔