تپ دق کے بارے میں آگاہی سیمینار کا انعقاد
ایم این ایس زرعی یونیورسٹی میں پبلک ہیلتھ سوسائٹی کے زیر اہتمام تپ دق کے بارے میں آگاہی سیمینار کا انعقاد کیا گیا تاکہ بنیادی روک تھام کے ذریعے پاکستان میں ٹی بی کے زیادہ پھیلاؤ کا مقابلہ کیا جا سکے۔
پروفیسر ڈاکٹر اعظم مشتاق چیئرمین شعبہ پلمونولوجی نشتر میڈیکل یونیورسٹی نے ٹی بی کی جلد تشخیص کے فوائد کو واضح کیا، اور ٹی بی کے خطرے کے عوامل پر بھی روشنی ڈالی۔
انہوں نے مزید کہا کہ تپ دق،ٹی بی ایک متعدی پھیلنے والا انفکشن ہے جو آپ کے پھیپھڑوں پر حملہ کرتا ہے۔اس کے علاوہ آپ کے دوسرے حصوں جیسے آپ کے دماغ ریڑھ کی ہڈی میں بھی پھیل سکتا ہے۔
اگر علاج کی بات کریں تو کم ازکم اس مرض میں چھ سے نو ماہ تک دوائی لینا پڑتی ہے۔
اس موقع پر پروفیسر ڈاکٹر محمد آصف رضا ڈین فیکلٹی آف ویٹرنری اینڈ اینیمل سائنسز نے جانورں میں ٹی بی جو کہ انسانوں کو لگ سکتی ہے کے پہلوؤں پر روشنی ڈالی، اور ٹی بی کنٹرول کے لیے علاج سے زیادہ روک تھام کے تصور پر زور دیا۔
