میٹرک کے ضمنی امتحان کا شیڈول جاری

پنجاب بھر کے تعلیمی بورڈز نے میٹرک کے دوسرے سالانہ امتحانات کےلئے شیڈول کا اعلان کردیا۔

جاری مراسلے کے مطابق ملتان سمیت پنجاب بھر کے تعلیمی بورڈز انٹرمیڈیٹ اینڈ سیکنڈری ایجوکیشن کے تحت میٹرک کے دوسرے سالانہ امتحانات 15 ستمبر 2023 سے شروع ہوں گے۔

امیدوار اپنا داخلہ فارم سنگل فیس کے ساتھ 12 اگست تک جمع کراسکیں گے، دوگنا فیس کے ساتھ 16 اگست اور تین گنا فیس کے ساتھ 19 اگست داخلہ فارم جمع کرانے کی آخری تاریخ مقرر کی گئی ہے۔

بورڈ حکام کے مطابق 19 اگست کے بعد کسی طالبعلم کا داخلہ وصول نہیں کیا جائے گا۔