کھیلوں کے مقابلے ملتوی

موسم سرما کی تعطیلات کے باعث تعلیمی بورڈ ملتان کے زیر اہتمام سکولز اور کالجز کے 18 دسمبر یا بعد میں شروع ہونے والے کھیلوں کے مقابلے ملتوی کر دیئے گئے ہیں۔

ملتوی شدہ مقابلوں کے نئے شیڈول کا اعلان موسم سرما کی تعطیلات ختم ہونے پر جنوری 2024ء میں کیا جائے گا۔

جن کھیلوں کا شیڈول تبدیل کیا گیا ہے ان میں کالجیٹ کرکٹ اور ڈسٹرکٹ سکولز باسکٹ بال چیمپئن شپ شامل ہیں ، یہ دونوں مقابلے 18دسمبر کو شیڈول تھے، اور اسی روز سے موسم سرما کی چھٹیوں کا آغاز بھی ہو رہا ہے۔