بی آئی ایس پی کے طلباء کی تصدیق کا عمل شروع

بینظیر انکم سپورٹ پروگرام کے تحت داخل ہونے والے طلبا کی تصدیق کاعمل شروع، انٹرولمنٹ کا ہدف بھی پورے کرنے کا حکم جاری کردیا گیا ۔

تفصیل کے مطابق محکمہ سکولز نے بی آئی ایس پی کے تحت داخل ہونے والے طلباء وطالبات کی تصدیق عمل شروع کرنے کے احکامات جاری کئے ہیں۔

اس سلسلے میں جاری مراسلے میں کہاگیاہے کہ بی آئی ایس پی کے ڈی جی کی طرف سے ہدایت موصول ہوئیں کہ ایسے طلبا جو انکم سپورٹ پروگرام کے ڈیٹا بیس میں درج ہیں ، وہ سکولوں میں زیر تعلیم ہیں ان کی تصدیق کی جائے اور ان کی مکمل تفصیل بھی ارسال کی جائے، جبکہ ایسے طلبا جو پروگرام میں تو درج ہیں مگر کسی سکول میں داخل نہیں ہیں ان کے داخلے کو یقینی بنایا جائے ۔

گرمی کی چھٹیوں میں پروگرام میں درج ایسے بچے جو سکول سے باہر ہیں، ان کو انرول کرکے رپورٹ ارسال کی جائے ، اور ا س کا ہدف پورا کیا جائے ۔