اسلامک ریسرچ سنٹر کے زیر اہتمام تقسیم ترجمہ قرآن مجید کی تقریب
زکریا یونیورسٹی ملتان اسلامک ریسرچ سنٹر کے زیر اہتمام تقسیم ترجمہ قرآن مجید کی تقریب سے خطاب کرتے ہوئے وائس چانسلر پروفیسر ڈاکٹر محمد علی شاہ نے کہا کہ ہم ڈاکٹر شبیر احمد کے ممنون ہیں کہ انہوں نے اس پراجیکٹ کو شروع کیا، یہ مشن ان کے عزم کا تسلسل ہے، ان کی بہت سی خدمات میڈیکل کے میدان میں بھی ہیں۔
انہو ں نے کہاکہ قرآن مجید کو سمجھنے کے لیے اللہ نے آسان کردیا ہے، اور قرآن سمجھنے کے لیے ڈاکٹر شبیر احمد نے یونیورسٹی کے اساتذہ کرام کا انتخاب کیا .
انہوں نے کہا میں یونیورسٹی اور اساتذہ کرام کی طرف سے ڈاکٹر شبیر احمد کا شکریہ ادا کرتا ہوں. ،نہوں نے کہاکہ ہم آپ کے ساتھ ہیں اس عظیم مشن میں۔
انہو ں نے کہا کہ ہماری دعا ہے کہ اس پراجیکٹ کو ملک کے دیگر شہروں کی یونیورسٹیوں میں پھیلائیں۔
ڈائریکٹر اسلامک ریسرچ سنٹر پروفیسر ڈاکٹر عبد القدوس صہیب نے افتتاحی کلمات میں کہاکہ یہ تقریب باسعادت ترجمہ قرآن تقسیم کرنے کی ہے، انہوں نے شعر پڑھا کہ وہ زمانے میں معزز تھے زمانے میں مسلمان ہوکر ہم خوار ہوئے تارک قرآن ہوکر۔
انہو ں نے کہاکہ قرآن کے ہم پر چار حقوق ہیں اسے اللہ کی کتاب ماننا ، پڑھنا ، سمجھنا عمل کرنا اور پیغام کو عام کرنا ہے ۔
