زکریا یونیورسٹی کا کانووکیشن 10 نومبر کو ہوگا، فل ڈریس ریہرسل شیڈول کے مطابق ہوگی

زکریا یونیورسٹی کا کانووکیشن 10نومبر کو ہو رہا ہے، جس کےلئے فل ڈریس ریہرسل 9 نومبر کی دوپہر دو بجے جناح آڈیٹوریم میں ہوگی۔

اس سلسلے میں جاری مراسلے میں کہا گیاہے کہ اگرچہ اقبال ڈے کے سلسلہ میں چھٹی ہوگی، تاہم کانووکیشن کی فل ڈریس ریہرسل شیڈول کے مطابق ہوگی، جس کے لئے تمام ڈین، آل پروفیسر اینڈ ایسوسی ایٹ پروفیسرز، تمام چیئرمین، ڈائریکٹرز اور پرنسپلز ، شعبہ کنٹرولر امتحانات کا تمام عملہ، خزانہ دار، رجسٹرار آفس انتظامی کمیٹیوں کے سربراہ اور تمام شعبوں کے ڈی ایس اے 9نومبر کو حاضر رہیں گے ۔