چور زکریا یونیورسٹی کے ایڈمن بلاک تک پہنچ گئے

زکریا یونیورسٹی کی سیکورٹی کی روایتی سستی کی وجہ سے چوروں نے ایڈمن بلاک کو نشانہ بنا لیا، زکریا یونیورسٹی میں سیکورٹی نامعلوم چوروں کے ہاتھوں بے بسی کی تصویر بنی ہوئی ہے۔

گزشتہ ہفتے سی سی ٹی وی کیمرے چوری ہوئے، موٹر سائیکل چوری ہوا، اب چوروں نے ایڈمن بلاک 1 کے واش رومز کی ٹونٹیاں چوری کرلیں، جبکہ لوٹے بھی لے گئے۔

واضح رہے ایڈمن بلاک کے صدر دروازے پر دو سیکورٹی گارڈ پہر دیتے ہیں، مگر چوروں نے سب کو چکما دے کر واش رومز میں اسیسریز کا صفایا کردیا ۔