زکریا یونیورسٹی میں موسم سرما کی تعطیلات ابہام کا شکار ہوگئیں

زکریا یونیورسٹی ملتان نے حکومت پنجاب کی طرف سے جاری کردہ سردیوں کی چھٹیوں کے نوٹیفیکشن 18 دسمبر سے یکم جنوری کے باوجود چھٹیاں کرنے سے انکار کردیا ہے۔

بتایا گیا ہے کہ پنجاب حکومت نے 18دسمبر سے تعلیمی ادارے بند کرنے کے احکامات جاری کئے تھے مگر زکریا یونیورسٹی نے ان احکامات پر عمل کرنے سے معذرت کرلی، اور 26 دسمبر سے 31 دسمبر تک چھٹیاں کرنے کا اعلان کیا ہے، تاہم اس کا بھی کوئی نوٹیفیکشن جاری نہیں کیا گیا ۔

جب کہ گلگت, فاٹا سمت دور دراز سے آئے طلباء ڈیپارٹمنٹ سے چھٹیاں لے کر پہلے ہی گھروں کو روانہ ہوچُکے ہیں، جس سے لوکل اور قریبی علاقے کے طلباء تذبذب کا شکار ہیں کہ کلاسز اٹینڈ کریں یا نہ کریں اور انہوں نے وائس چانسلر سے جلد از جلد یہ ابہام دور کرنے کا مطالبہ کیا ہے ۔