Paid ad
Breaking NewsEducationتازہ ترین

لاء کے طلباء کا مستقبل محفوظ بنانے کےلئے تین سٹڈی سنٹرز کی منظوری

زکریا یونیورسٹی نے ایل ایل بی تین سالہ پروگرام کے طلباء کا مستقبل محفوظ بنانے کےلئے تین سٹڈی سنٹرز کی منظوری دے دی۔

تفصیل کے مطابق ایل یل بی تین سالہ پروگرام کے طلباء کو محفوظ بنانے کےلئے زکریا یونیورسٹی حکام نے اہم قدم اٹھاتے ہوئے تین ایریا سٹڈی سنٹر قائم کرنے کی منظوری دی ہے ، جن میں وہ تمام پرائیویٹ لا کالجز جو بند کردئے ہیں ، ان کے طلبا کو پڑھایا جاسکے۔

سینڈیکیٹ سے منظوری کے بعد جاری نوٹیفکیشن کے مطابق تین سنٹر ملتان ، وہاڑی اور ڈیرہ غازی خان میں قائم کئے جائیں گے ، ملتان سنٹر کے کوارڈینیٹر ڈاکٹر محمد بلال ہوں گے ، جبکہ وہ چیف کوآرڈینٹر کے فرائض بھی سر انجام دیں گے ۔

اسسٹنٹ پروفیسر ڈاکٹر فیض بخش وہاڑی کیمپس کے کوآرڈینٹر ہوں گے ، جبکہ ڈاکٹر محمد سلیم شیخ ریٹائر پروفیسر ڈیرہ غازی خان سنٹر کے کوآرڈینٹر ہوں گے ۔

تمام کوآرڈینٹر اس پروگرام کو چلانے کےلئے ایک فریم ورک تیار کریں گے، جس میں فیس سٹرکچر، فیکلٹی کی تعیناتی، بلڈنگ اور اخراجات اور تمام قانون وضوابط طے کئے جائیں گے ، یہ کوآرڈینٹر سینڈیکیٹ کی منظوری کے بعد فیکلٹی کی تعیناتی کرسکیں گے ۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button