زکریا یونیورسٹی کی سینٹ کا اجلاس آج ہوگا، گورنر پنجاب کی شرکت کا امکان

عدالت عالیہ کی ہدایت پر ایل ایل بی کیس پر بحث اور طلباء کے امتحانات کے انعقاد کے بارے میں زکریا یونیورسٹی کی سینٹ کا اجلاس آج ہوگا، جس میں گورنر پنجاب/چانسلر کی شرکت کا امکان ہے ۔

اجلاس کا ایجنڈا جاری کردیا گیا ہے جس میں اہم آئٹم ایل ایل بی کیس ہے، جبکہ دیگر میں لا کالجز کی فعالیت بارے فیصلہ کیا جائے گا۔

ایچ ای سی کی انڈر گریجوایٹ پالیسی کو اپنانے بارے بھی کیس زیر بحث آئے گا، ایچ ای سی کی الحاق پالیسی بارے بھی فیصلہ کیا جائے گا۔