زکریا یونیورسٹی کی ویب سائٹ ہیک کرلی گئی

زکریا یونیورسٹی کی ویب سائٹ گزشتہ رات ہیک کرلی گئی۔
بھارتی ہیکر گروپ ایم آر ایکس نے ویب کی ساری ٹریفک روک دی، اور اپنا مذہبی نعرے درج کردیا ۔

زکریا یونیورسٹی کی ویب سائٹ ہیک ہونے کا یہ چوتھا واقعہ ہے، جو یونیورسٹی کے کمپیوٹر ڈیپارٹمنٹ کی نااہلی کا کھلا ثبوت ہے ۔

ذرائع کا کہنا ہے کہ ویب سائٹ چلانے والے ڈیپارٹمنٹ کے افسر اور اساتذہ ویب سائٹ میں سیکورٹی چیک نہیں لگاتے، ہر بار یہ ویب سائٹ کو بحال کر دیتے ہیں جس سے ویب چل تو پڑتی ہے، مگر محفوظ نہیں ہوتی۔

تاہم اس کی بحالی کے نام پر بل ضرور بن جاتے ہیں، اگر یونیورسٹی حکام ویب سائٹ کی حفاظت میں سنجیدہ ہے تو اس کو سیکورٹی چیک لگانے پڑیں گے ۔