پیف آفس میں کرسمس کی تقریب
![](https://dreporters.com/wp-content/uploads/2022/12/IMG-20221222-WA0061.jpg)
پنجاب ایجوکیشن فاؤنڈیشن پیف صدر دفتر میں کرسمس کیک کاٹنے کی تقریب کرسمس کا تہوار تمام مسیحی برادری کے لیے خوشیوں بھرا تہورا ہے۔
ایم ڈی پیف نے کہا ہے کہ مسیحی برادری سمیت تمام اقلیتوں کو مکمل مذہبی آزادی اور مساوی حقوق حاصل ہیں۔
پنجاب ایجوکیشن فاؤنڈیشن (پیف) صدر دفتر میں کرسمس کا کیک کاٹنے کی تقریب منعقد ہوئی۔
منیجنگ ڈائریکٹر پیف منظر جاوید علی اور تمام سینئر افسران نے مسیحی ملازمین کے ہمراہ کیک کاٹا اور انہیں کرسمس کی مبارکباد دی۔
تقریب میں ڈپٹی منیجنگ ڈائریکٹر (سپورٹ سروس) راجہ محمد اشرف، ڈپٹی منیجنگ ڈائریکٹر (آپریشن) ثمینہ نواز، ڈپٹی منیجنگ ڈائریکٹر (فنانس) محمد فاروق اور تمام ڈائریکٹر ز نے شرکت کی۔
تقریب کے دوران ایم ڈی پیف منظر جاوید علی نے کہا کہ کرسمس کا تہوار تمام مسیحی برادری کے لیے خوشیوں بھرا تہورا ہے۔
انہوں نے کہا کہ آئین پاکستان میں مسیحی برادری سمیت تمام اقلیتوں کو مکمل مذہبی آزادی اور مساوی حقوق حاصل ہیں۔
چیئرمین پیف نے مزید کہا کہ کرسمس کا تہوارباہمی محبت، بھائی چارے اور سماجی انصاف کے فروغ کا دن ہے۔
ایم ڈی پیف کے احکامات پر مسیحی برادری کے ملازمین کو ایڈوانس سیلری اور کرسمس الاؤنس بھی دیا گیا ہے۔
تقریب کے دوران ایم ڈی پیف نے مسیحی برادری سے تعلق رکھنے والے ملازمین کے مسائل بھی سنے۔
تقریب کے موقع پر مسیحی برادری سے تعلق رکھنے والے تمام پیف ملازمین نے خوبصورت تقریب کے انعقاد پر ایم ڈی پیف کا شکریہ ادا کیا، اور اپنے جذبات کا اظہار کرتے ہوئے کہا کہ پیف بہت خوبصورت ادارہ ہے ،اور پیف میں تما م ملازمین سے مساویانہ سلوک رکھا جاتا ہے۔