Breaking NewsNationalتازہ ترین

وزیراعلیٰ پنجاب اعتماد کا ووٹ لیں گے : عمران خان

سابق وزیراعظم و پاکستان تحریک انصاف کے چیئرمین عمران خان نے کہا ہے کہ کوئی کسی ابہام کاشکار نہ ہو، وزیراعلیٰ پنجاب پرویز الٰہی اعتماد کا ووٹ لیں گے۔

عمران خان کی زیرصدارت پی ٹی آئی پنجاب کی سینیئر قیادت کا اجلاس ہوا ، جس میں وزیراعلیٰ پنجاب کے اعتماد کے ووٹ کیلئے تمام امور کو جلد حتمی شکل دینے کا فیصلہ کیا گیا۔

ارکان اسمبلی سے رابطوں کیلئے ریجنل تنظیموں کو ذمہ داری دے دی گئی ہے۔

اجلاس میں فیصلہ کیا گیا کہ ارکان اسمبلی کا ہوم ورک مکمل ہوتے ہی اعتماد کا ووٹ لیا جائے گا۔

اجلاس میں پی ڈی ایم کی جانب سے خواتین ارکان سے رابطوں اور ہارس ٹریڈنگ کی کوششوں پر تشویش کا اظہار کیا گیا، اور کہا کہ ہارس ٹریڈنگ کی تمام کوششوں کو ناکام بنایا جائے گا۔

اس حوالے سے عمران خان کا کہنا تھاکہ وزیراعلیٰ اعتماد کا ووٹ لیں گے ،کوئی کسی ابہام کاشکار نہ ہو۔

ذرائع کے مطابق جن ارکان کو خریدنے کی کوشش کی گئی انہیں محفوظ مقام پر رکھا جائے گا۔

خیال رہے کہ اسپیکر پنجاب اسمبلی سبطین خان نے 9 جنوری کو اسمبلی کا اجلاس طلب کر رکھا ہے، جبکہ گورنر پنجاب بلیغ الرحمان نے اسمبلی سے اعتماد کا ووٹ نہ لینے پر پرویز الٰہی کو ڈی نوٹیفائی کیا تھا اور لاہور ہائیکورٹ نے یہ حکم معطل کر رکھا ہے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

پاکستان میں کرونا وائرس کی صورت حال

گھر پر رہیں|محفوظ رہیں