کمشنر ملتان سکواش چیمپئن شپ کا آغاز آج سےہوگا

ملتان میں سکواش کے ٹیلنٹ کو مدنظر رکھتے ہوئے ڈپٹی کمشنر ملتان ڈاکٹر عمر جہانگیر کی ہدایت پر دی سٹیٹ آف دہ آرٹ سکواش کورٹ سپورٹس کمپلیکس ملتان میں پہلی کمشنر ملتان سکواش چیمپئن شپ کا باقاعدہ آغاز آج ہوگا۔

فاروق لطیف ڈسٹرکٹ سپورٹس آفیسر ملتان کے مطابق اس ایونٹ کی میزبانی ڈپٹی کمشنر ملتان ڈاکٹر عمر جہانگیر کریں گے، جبکہ کمشنر ملتان ڈویژن انجینئیر عامر خٹک مہمان خصوصی ہونگے۔

رانا ندیم انجم ڈویژنل سپورٹس آفیسر ملتان کی سربراہی میں اس ایونٹ کا انعقاد کیا جارہا ہے، جبکہ امجد علی صدیقی اس ایونٹ کے چیف آرگنائزر ہونگے۔