عدالت عالیہ نے زکریا یونیورسٹی کے ملازمین کےلئے بڑا حکم سنا دیا

عدالت عالیہ نے زکریا یونیورسٹی کے 23ملازمین کی ترقی روکنے کے احکامات معطل کردیے ، زکریا یونیورسٹی انتظامیہ نے 7 اپریل کو 23 کلاس فور ملازمین جن کو ترقی دے کر جونیئر کلرک بنایا گیا تھا کے احکامات ختم کرتے ہوئے ان کی تنزلی کردی تھی، جس پرا نہوں نے عدالت عالیہ سے رجوع کرلیا۔

جس پر عدالت نے قرار دیا ہے کہ درخواست گزار نے اپنے ثبوتوں سے ثابت کیا ہے کہ ان کا موقف درست ہے، یہ معاملہ سینڈیکیٹ کو حل کرنا تھا کہ مگر انتظامیہ نے ازخود کارروائی کرلی، اس لئے ان کی تنزی کے احکامات کو فوری طور پر معطل کیا جاتا ہے، اور ہدایت کی جاتی ہے کہ معاملہ کو سینڈیکیٹ میں پیش کیا جائے، اور درخواست گزاروں کو سینڈیکیٹ میں اپنا موقف بیان کرنے کی اجازت بھی دی جائے ۔