گیس چوروں کے خلاف کریک ڈاؤن شروع

ملتان محکمہ سوئی گیس نے گیس چوروں کے خلاف کریک ڈاؤن شروع کردیا ہے۔

سوئی گیس ٹاسک فورس ملتان نے ریجنل منیجر سید حسین ظفر کی ہدایت پر گیس چوروں کے خلاف کریک ڈاؤن کا آغاز کر دیا ہے، گزشتہ دو دونوں کے دوران کئی گیس چوروں کو رنگے ہاتھوں پکڑ کر انکے خلاف قانونی کارروائی شروع کردی ہے۔

ویلیم اقبال مسیح سوئی گیس کے مین لائن سے بائی پاس لگا کر گیس چوری کررہا تھا جس کے خلا ف متعلقہ پولیس اسٹیشن میں ایف آئی آر درج کرائی گئی۔
اس طرح گجر نگر بدلہ سنت میں قاسم قریشی اور محمد صفدر مین لائن سے بائی پاس لگا کر دو گھروں میں ڈائرکٹ گیس چوری کر رہے تھے۔

موقع پر چوری کا سامان قبضہ میں لیکر متعلقہ پولیس اسٹیشن میں درخواست برائے اندراج مقدمہ گیس چوری جمع کرا دیا ہے۔

اس طرح گھریلو میٹرز کو کمرشل استعمال کرنے پر 4 عدد گیس کنکشنز منقطع کر دیئے ہیں۔

اس سلسلے میں ریجنل مینیجر سید حسین ظفر نے ٹاسک فورس کے سینئر ایسوسی ایٹ انجینئر یعقوب خان کو گیس چوروں کے خلاف کارروائی کرنے کا ٹاسک دے دیا ہے، اس طرح گیس چوری کے خلاف یہ کریک ڈاؤن جاری رہے گا.