زکریا یونیورسٹی میں پہلی بار ڈیجیٹل مارکیٹنگ کی تعلیم شروع کردی گئی

پاکستان کی کی سرکاری جامعات میں پہلی بار ڈیجیٹل مارکیٹنگ کی تعلیم کا آغاز ملتان سے ہو رہا ہے، زکریا ملتان کی فیکلٹی آف کامرس، بینکنگ اینڈ بزنس ایڈمنسٹریشن میں ڈیجیٹل مارکیٹنگ کے پروگرامز شروع ہورہے ہیں۔

فیکلٹی ڈین پروفیسر ڈاکٹر شوکت ملک کا کہنا ہے کہ یہ ڈیجیٹل دور ہے، اس خطے کے طلبا کو نئے پروگرامز پڑھانے کی اشد ضرورت تھی، ڈیجیٹل مارکیٹنگ میں بی ایس اور ایم بی اے پروگرامز میں داخلے کیئے جائینگے۔

باڈیز سے منظوری کے بعد فوری داخلے شروع کیئے جائیں گے، ان پروگرامز میں بھی سمیسٹر فیس معمول کے مطابق ہوگی۔

ڈاکٹر شوکت ملک ملتان نے مزید کہا کہ ان نئے پروگرامز سے ہمارے طلباء ڈیجیٹل ورلڈ میں اپنا نام بنا سکیں گے، اس فیکلٹی میں مارکیٹ کے رجحان کو دیکھتے ہوئے کئی اہم اصلاحات بھی کی جا رہی ہیں۔