محکمہ تعلیم کی کارکردگی کا جائزہ لینے کے لیے کڑی مانیٹرنگ کا اغاز

ضلعی انتظامیہ ملتان کی جانب سے محکمہ تعلیم کی کارکردگی کا جائزہ لینے کے لیے تعلیمی اداروں کی کڑی مانیٹرنگ کا اغاز کر دیا گیا ہے، ڈپٹی کمشنر کیپٹن ریٹائرڈ رضوان قدیر نے گزشتہ روز گورنمنٹ بوائز ہائی سکول شیر شاہ کا اچانک دورہ کیا اور تعلیمی عمل کی انسپکشن کرتے ہوئے طلباء کو فراہم سہولیات کا جائزہ بھی لیا۔

ڈپٹی کمشنر نے طلباء کو بہترین تعلیمی سہولیات فراہم کرنے کے لیے کلاس روم اپ گریڈ اور لیباٹری کو بھی جدید تقاضوں کے مطابق ڈھالنے کا حکم جاری کیا۔

اس موقع پر ڈپٹی کمشنر نے طلباء سے ملاقات بھی کی اور ان کی تعلیمی قابلیت کا جائزہ بھی لیا۔