سکولوں کی کارکردگی بہتر بنانے کےلئے ایس او پیز جاری

ڈی پی آئی سکولز کی ہدایت پر اسسٹنٹ ڈائریکٹر کی طرف سے جاری ہونے اہم اشاریے کے مطابق سکولوں میں طلباء کی تعداد میں گزشتہ سال کی نسبت کم سے کم چار فیصد اضافہ کیا جائے، میٹرک و انٹر کے رزلٹ کی کارکردگی پچھلے سال سے اچھی ہو۔

سکول اوقات کار میں تمام سٹاف تدریسی اور غیر تدریسی موجود ہو، مالی سال کا سارا ریکارڈ مکمل ہو۔ہر ماہ سکول کونسل کی کم از کم اک میٹنگ ہو۔

ہر ہفتے میں 6 سپورٹس پیریڈ ہوں۔ہر سال ایک بچہ ایک درخت مہم کامیاب بنائیں سکول چھوڑ کرجانے والے سٹوڈنٹس میں سے کم سے کم 85 فیصد کو واپس سکول لائیں۔ معذور افراد کے لئے کم از کم ایک ریمپ ہونا ضروری ہے ۔