راؤ امجد علی خان میڈیکل سپرنٹینڈنٹ نشتر ہسپتال تعینات

محکمہ سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ حکومت پنجاب نے گریڈ 19 کے ڈاکٹر راؤ امجد علی خان کو نشتر ہسپتال ملتان کا میڈیکل سپرنٹینڈنٹ تعینات کرتے ہوئے نوٹیفیکیشن جاری کر دیا ہے۔

اس قبل ڈاکٹر راؤ امجد علی خان ڈی ایچ کیو شہباز شریف ہسپتال میں بطور ایم ایس کر رہے تھے، اور مزید دو ہسپتالوں کا اضافی چارج سنبھالے ہوئے تھے۔

انہوں نے نشتر ہسپتال ملتان میں اپنے عہدے کا چارج لیکر کام شروع کردیا ہے۔