الیکشن کمیشن پاکستان نے یونیورسٹیوں میں وائس چانسلرز کی تعیناتی کا عمل شروع کرنے کی اجازت دے دی

اس وقت پاکستان بھر میں 30 سے زائد یونیورسٹیوں میں وائس چانسلرز کی اسامیاں خالی ہیں، جن پر ایڈیشنل چارج اور پرو وائس چانسلرز کام کر رہےہیں، ان سیٹوں پر عبوری حکومت کی وجہ سے بھرتی کا عمل تعطل کا شکار ہے، جس پر الیکشن کمیشن نے بھرتی کا عمل شروع کرنے کی اجازت دے دی ہے۔

اس سلسلے میں جاری مراسلے میں کہا گیا ہے کہ کمیشن اس سلسلے کی حساسیت کو محسوس کرتے ہوئے تمام صوبوں کے چیف سیکرٹریز کو پہلے ہی آگاہ کر چکا ہے کہ وہ وائس چانسلرز کی بھرتی کا عمل شروع کریں، اور مکمل کریں، تاہم بھرتی کا عمل مکمل ہونے پر کمیشن کو وائس چانسلرز کی تعیناتی کے احکامات جاری کرنے بارے درخواست کی جائے تاکہ شفاف عمل کا جائزہ لیا جاسکے۔