پنجاب بھر کی یونیورسٹیوں میں بھرتی کا عمل روکنے کی ہدایت کردی گئی

الیکشن کمیشن کی طر ف سے بھرتی پر پابندی اور کارروائی کے اعلان کے بعد ہائر ایجوکیشن ڈیپارٹمنٹ نے تمام یونیورسٹیوں کو بھرتی کا عمل فوری طور پر روکنے کا حکم دے دیا۔

جاری مراسلے میں کہا گیاہے کہ الیکشن کمیشن نے بھرتی کےلئے اشتہار شائع کرنے پر پنجاب یونیورسٹی کے خلاف ایکشن لیا، اور بھرتی کا عمل کالعدم قرار دیا۔

جس کی روشنی میں صوبے بھر کی یونیورسٹیوں کو ہدایت کی جاتی ہے کہ وہ بھرتی کا عمل فوری طور پر روک دیں۔

ایچ ای ڈی حکام اس معاملے کو الیکشن کمیشن کے سامنے اٹھا رہے ہیں، جب تک کوئی فیصلہ نہیں آجاتا کسی بھی طرح کی بھرتی نہ کی جائے ۔