جنوبی پنجاب کے سکولوں کے عملے پر سوشل میڈیا استعمال کرنے پر پابندی لگادی گئی

سیکرٹریٹ جنوبی پنجاب کی طرف سے جاری ہونے والے مراسلے میں کہا گیاہے کہ حکومت پاکستان کی ہدایت پر سکولوں میں اساتذہ اور عملے پر پابندی ہے، وہ سوشل میڈیا، پریس، الیکڑانک میڈیا یا ڈیجیٹل میڈیا پر اپنے خیالات کا اظہار/تبصرہ نہ کریں۔

مشاہدے میں آیا ہے کہ نوجوان افسر اور عملہ سوشل میڈیا جیسے فیس بک، انسٹاگرام، یوٹیوب ،استعمال نہیں کریں گے، خصوصاً اپنے ادارے ، سرکاری اداروں کے بارے میں کوئی تبصرہ نہیں کریں گے ۔

جبکہ ٹک ٹاک ، ویب سائٹس اور واٹس ایپ بھی استعمال نہیں کرسکتے، اگر کوئی شخص اس کی خلاف ورزی کرے گا، اس کے خلاف ڈسپلنری ایکشن لیا جائے گا۔