Breaking NewsSportsتازہ ترین
ایمرسن یونیورسٹی کا طالب علم انٹرنیشنل ہاکی چیمپئن شپ کا حصہ بن گیا
![](https://dreporters.com/wp-content/uploads/2023/05/IMG_20230504_000101-513x470.jpg)
ایمرسن یونیورسٹی ملتان کے طالب علم محمد مغیرہ تھائی لینڈ میں منعقد ہونے والی انٹرنیشنل بوائز ہاکی چمپئن شپ کا حصہ بن گئے ۔
محمد مغیرہ ایمرسن یونیورسٹی ملتان کی ہاکی ٹیم کے کپتان بھی ہیں، انکی قیادت میں ایمرسن یونیورسٹی ملتان کی ہاکی ٹیم نے متعدد ٹورنامنٹس میں نمایاں کارکردگی کا مظاہرہ کیا ۔
واضح رہے کہ محمد مغیرہ نے سوات میں منعقد ہونے والے پاکستان انٹر بورڈ ہاکی چمپئن میں شاندار کارکردگی کا مظاہرہ کیا ، جس کی بناء پر انھیں پاکستان ایجوکیشن بورڈ بوائز ہاکی ٹیم میں منتخب کیاگیا ۔
اس موقع پر وائس چانسلر ایمرسن یونیورسٹی ملتان پروفیسر ڈاکٹر محمد رمضان نے ڈایکٹر سپورٹس ایمرسن یونیورسٹی ملتان پروفیسرمحمد ظفر شیروانی کی کاوشوں کو سراہا، اور یونیورسٹی کے طلباء اور بالخصوص محمد مغیرہ اور ان کے والدین کو مبارکباد پیش کی۔